 "> ხვალ პირველი აპრილია, მოტყუება ადვილია და ამასთან დაკავშირებით გთავაზობთ რამოდენიმე მოტყუების გზას. მოატყუეთ თქვენი მეგობრები, ოჯახის წევრები, ახლობლები და გამოაშკარავების შემდეგ ერთად იცინეთ ხუმრობებზე. მეგობრებზე გახუმრების ვარიანტები: 1) დაისველეთ ხელები წყლით. მიეპარეთ მეგობარს ზურგიდან, დაცემინების იმიტაცია გააკეთეთ და იმავდროულად შეაშხეფეთ სახესა და თმებზე წყლის წვეთები. თქვენი მეგობარი აუცილებლად გაცოფდება (შმოწმებულია). 2) ფოკუსი, რომელიც მწეველთა საზოგადოებაში უნდა ჩაატაროთ და რომელსაც ამ საზოგადოების ყველა წევრი შეეცდება გაიმეოროს, მაგრამ არ გამოუვათ ; ) წესი: წინასწარ ცარცით დაიხაზეთ ხელის გულზე ოდნავ შესამჩნევი წრე. მოწევის დროს გამოუშვით პირიდან კვამლის რგოლი და ცარციანი ხელით ტანსაცმელზე ან ტაშის საშუალებით დაიჭირეთ ეს რგოლი. ცარცის რგოლი გადავა ტანსაცმელზე, რაც განცვიფრებას გამოიწვევს საზოგადოებაში. მთელი საზოგადოება ერთსულოვნად მოყვება ტაშის ცემას ასეთივე რგოლის დაჭერის მიზნით. 3) დასვით შეყვარებული წყვილი ერთმანეთის პირისპირ,აუხვიეთ თვალები და დაუკიდეთ შუაში გაბერილი ბუშტი. სთხოვეთ წყვილს შეუბერონ ამ ბუშტს ისე, რომ მოწინააღმდეგეს სახეში მოხვდეს. წაგებულია ის ვისაც ბუშტი მოხვდება ათჯერ. მეექვსე-მეშვიდე მოხვედრაზე ბუშტი ჩუმად შეცვალეთ ფქვილიანი თეფშით. შედეგს დაელოდეთ... 4) დაასველეთ აბაზანაში ჭერი ისე, რომ წვეთები ჩამოდიოდეს. გამოვარდით და დედათქვენს უხმეთ: "დე, მეზობელმა ჩამოგვრეცხა". ოღონდ არ დაგაგვიანდეთ გამოუტყდეთ რომ დღეს პირველი აპრილია, თორემ მეზობელთან სკანდალი არ აგცდებათ. ; )
| 
