ეს პროგრამა გამოადგებათ მხოლოდ მათ, ვისაც აქვს POP3/SMTP საფოსტო კლიენტი და შესაბამისად სარგებლობს ელ-ფოსტის ასეთი მისამართით (მაგალითად ასეთი კლიენტებია: Outlook Express, The Bat, Eudora...)

პროგრამის კონფიგურაციის მაგალითად მოვიყვანთ საფოსტო კლიენტს - Outlook Express.

პროგრამის ჩამოტვირთვის და დაინსტალირების შემდეგ თქვენს საფოსტო კლიენტში, სამომხმარებლო ანგარიშის პარამეტრებში შესაცვლელი იქნება შემომავალი საფოსტო სერვერის მისამართი "localhost"-ზე:

Tools->Accounts->Mail->აირჩიეთ არსებული სამომხმარებლო ანგარიში->Properties->Servers->დაიმახსოვრეთ რა წერია ველში Incoming Mail (POP3) და ჩაანაცვლეთ ის ჩანაწერით: localhost->Account Name-ში უკვე არსებულ ჩანაწერს დაამატეთ ი-მეილის ნიშანი (@) და ის ჩანაწერი, რომელიც თქვენ დაიმახსოვრეთ ზევით მოყვანილი ინსტრუქციის მიხედვით (Incoming Mail ველიდან). საბოლოოდ უნდა მიიღოთ მსგავსი ველი (იხილეთ ქვევით მოყვანილი 1-ლი სურათი): Account name: shota@access.sanet.ge->Ok

შემდეგ დაინსტალირებული პროგრამის კონფიგურაციას შევუდგებით (SpamPal->Options) და მოვნიშნავთ ყველა სასურველ ფილტრს, რომლებიც მონაცემთა ბაზებს წარმოადგენს და შეიცავს "ცუდი წერილების" გამომგზავნელების მისამართებს (სურათი 2).

მესამე საფეხურზე, პროგრამას უნდა ვუთხრათ რომ მონიშნოს ჩვენთვის არასასურველი წერილების სათაური (სურათი 3).

და ბოლო საფეხურიც: ჩვენს საფოსტო პროგრამას ვუთხრათ თუ რა უნდა უყოს ასეთ წერილებს. ანუ შევქმნათ ახალი წესი, რომლის მიხედვით Outlook Express-ი მოეპყრობა ასეთ წერილებს. უმჯობესია პირველი ერთი-ორი კვირა ასეთი წერილები გადავატანინოთ ცალკე საქაღალდეში, და რომ დავრწმუნდებით, რომ სასურველი წერილები არ ხვდება ამ საქაღალდეში, წავაშლევინოთ ეს წერილები საფოსტო კლიენტს სერვერზევე:

Tools->Message Rules->Mail->New->1-ლ გრაფაში მოვნიშნოთ "Where the subject line contains specific words"->2-ე გრაფაში მოვნიშნოთ "Move it to specified folder"->3-ე გრაფაში დავაჭიროთ "contains specific words" და დავამატოთ **SPAM**->შემდეგ ვაჭერთ Specified folder-ს და ვუთითიებთ სად უნდა ჩავარდეს ასეთი წერილი (სურათი 4).